27 апр 19:05
Янгиликлар
Осиё чемпионати олдидан. Боксчиларимиз сўнгги қитъа биринчилигида қандай натижа кўрсатган эдилар?
Турнирда иштирок этадиган таркибимиз маълум бўлди. Унга кўра, қитъа биринчилигида Ҳасанбой Дўсматов, Жасурбек Латипов, Муроджон Аҳмадалиев, Элнур Абдураимов, Иқболжон Холдоров, Шаҳрам Ғиёсов, Исроил Мадримов, Бектемир Мелиқўзиев, Санжар Турсунов, Баҳодир Жалоловлар юртимиз шарафини ҳимоя қилгандилар.
Ушбу боксчилардан Ҳасанбой Дўсматов, Муроджон Аҳмадалиев, Элнур Абдураимов, Исроил Мадримов, Бектемир Мелиқўзиев, Баҳодир Жалолов каби спортчиларимиз 2 йил олдин Бангкокда бўлиб ўтган Осиё чемпионатида иштирок этганликларини таъкидлаб ўтишимиз лозим.
2015 йилги Осиё чемпионати якунларига кўра Ўзбекистон бокс терма жамоаси умумжамоа ҳисобида иккинчи ўринни қўлга киритган эди. Биринчи ўринни қўшниларимиз Қозоғистон терма жамоаси ўзиники қилиб олган. Мезбон тайландликлар эса учинчи ўрин билан кифояланганлар.
2015 йили боксчиларимиз қитъа биринчилигида қуйидаги натижани қайд этганлар:
-49 кг: Ҳасанбой Дўсматов - олтин
-75 кг: Бектемир Мелиқўзиев - олтин
-52 кг: Шаҳобиддин Зоиров - кумуш
-56 кг: Муроджон Аҳмадалиев - кумуш
-64 кг: Фазлиддин Ғоибназаров - кумуш
-81 кг: Элшод Расулов - кумуш
-91 кг: Рустам Тўлаганов - кумуш
-60 кг: Элнур Абдураимов - бронза
Демак, Бангкок турнирида боксчиларимиз 2 та олтин, 5 та кумуш ва 1 та
бронза медалини, умумий ҳисобда эса 8 та медални қўлга киритганлар.
Ўша
таркибдан Исроил Мадримов ва Баҳодир Жалоловлар совринли ўрин эгаллашни
уддасидан чиқа олмаганлар. Шу ҳафта бошланадиган чемпионатда уларда
Осиё чемпионати совриндорига айланиш учун яна бир имконият бўлади.
Ишонамизки, ўз уйимизда бўлиб ўтадиган турнирда икки йил олдинги натижа янада яхшиланади!
Азиз Тўхтамуродов
Фикрлар