22 июн 19:46
Янгиликлар

Теннис

Абдураимова "Уимблдон" турнири ярим финалида кортга чиқди

Лондон шаҳрида теннис бўйича "Катта Дубулға" туркумига кирувчи "Уимблдон" турнирининг саралаш баҳслари давом этмоқда.

Хабарингиз бор, мусобақанинг аёллар ўртасидаги баҳсларида ҳамюртимиз Нигина Абдураимова ҳам ўз омадини синаб кўраётган эди. Кеча вакиламиз саралашнинг илк даврасида туркиялик Ипек Озни 0:6, 6:4, 6:2 ҳисобларида мағлуб этиб, иккинчи босқичга йўл олганди.

Афсуски, ярим финалда мамлакатимизнинг биринчи ракеткаси лихтенштейнлик Фон Дайхманнга имкониятни бой бериб қўйди. WTA рейтингида 183+ўринни эгаллаб турган Фон 74 дақиқа давом этган учрашувда 6/4, 6/4 ҳисобида зафар қучиб, саралашнинг финалига йўл олди.

Таққослаш учун, Нигина WTA рейтингида 204-поғонадан жой олган. Кеча Абдураимова томонидан мағлуб этилган Ипек Оз эса дунёнинг 168-ракеткаси бўлиб турганди. Бугунги учрашувда Нигина 2 та эйс зарбани ижро этиб, 6 та қўшхатога йўл қўйган.