Яхши хабар! Фрэнсис Нганну октагонга қайтишини эълон қилди

Нганну оёғидаги жарроҳлик амалиётидан сўнг тикланиш жараёнини ўтказяпти. У бокс бўйича супероғир вазнда амалдаги WBC чемпиони Тайсон Фьюри билан бокс қоидалари асосида жанг ўтказиши керак эди. Аммо, кеча британиялик боксчи бу фикридан қайтгани ва ММА юлдузига қарши октагонга чиқмаслигини маълум қилди. 

"Тиззам жойида. Бу осон бўлмади, лекин биз буни уддаладик. Ҳозир физиотерапия муолажаларини оляпман. Агар ҳаммаси биз ўйлагандек давом этса, шу йилнинг сўнггида октагонга қайтаман. Декабрь ёки январь ойида камаримни ҳимоя қиламан", - деди камерунлик чемпион TMZ каналига берган интервьюсида. 

UFC промоушени куз ойларида вақтинчалик UFC камари учун Стипе Миочич ва Жон Жонс ўртасида жанг ташкил қилишни режалаштирмоқда. Ғолиб эса "Ваҳший"нинг кейинги рақибига айланади.