01 мар 17:19
Янгиликлар

Тадбирлар

8 март – халқаро хотин-қизлар байрамига бағишланган мусобақа ўтказилди ФОТОГАЛЕРЕЯ

Яккасарой туманидаги 1-болалар ва ўсмирлар спорт мактабида Тошкент шаҳар жисмоний тарбия ва спортни ривожлантириш жамғармаси соврини учун волейбол, стол тенниси, сузиш, шахмат, шашка бўйича мусобақа ўтказилди.

Мусобақада Екатерина Нардишева, Ирина Лукиенко (сузиш), Наталья Леванова (стол тенниси), Рохила Абдуллаева (шахмат), Маҳлиё Султанова (шашка) лар ғолиблик шоҳсупасининг энг юқори поғонасидан жой эгаллади. Волейбол бўйича ўтказилган мусобақаларда Олмазор тумани жамоаси ғолиблик нашидасини сурди. Умумжамоа ҳисобида эса Яшнобод тумани 1-ўринни эгаллади.

Шунингдек, “Энг аҳил жамоа”, “Ғалабага бўлган ишонч”, “Энг намунали жамоа”, “Энг фаол жамоа”, “Энг иродали жамоа”, “Энг қувноқ жамоа”, “Энг интизомли жамоа”, “Энг чаққон жамоа” каби номинацияларда ҳам ғолиблар аниқланди.

Мусобақанинг ғолиб ва совриндорлари ташкилотчилар томонидан диплом ҳамда эсдалик совғалари билан тақдирланди.