Нигина Абдураимова Пунада бош соврин учун ўйнайди

Мукофот жамғармаси 40 000 АҚШ долларини ташкил қилувчи турнирда ҳамюртимиз Нигина Абдураимова ҳам муваффақиятли иштирок этяпти. Мамлакатимизнинг биринчи ракеткаси ҳозиргина якунига етган 1/2 финал учрашувида қийин ғалабага эришди.

Турнирда иккинчи рақам остида таснифланган Абдураимова финал чиптаси учун кечган баҳсда турнирнинг еттинчи ракеткаси, россиялик Валерия Савинихни 6/4, 2/6, 6/4 ҳисобида мағлубиятга учратди. Бу теннисчиларнинг ўзаро ўтказган учинчи учрашуви эди - 3:0. 

Таққослаш учун, Нигина WTA рейтингида 176, Валерия эса 245-ўринни эгаллаб турибди. Эртага Абдураимова Пуна турнирининг ҳал қилувчи финал учрашувида мусобақанинг биринчи ракеткаси, WTA рейтингида 71-ўриндан жой олган германиялик Татьяна Марияга қарши кортга чиқади. У ярим финалда ҳиндистонлик Анкита Райнадан 6/3, 6/1 ҳисобида устун келди.