22 июл 11:16
Янгиликлар

Шахмат

Гулруҳбегим Тоҳиржонова АҚШда 2023 йилнинг "Энг яхши аёл шахматчиси" деб топилди!

Асли ўзбекистонлик, ҳозирда АҚШ терма жамоаси шарафини ҳимоя қилаётган Гулруҳбегим Тоҳиржонова маҳаллий федерация томонидан тақдирланди.

"Mizzou Chess" жамоаси аъзоси бўлган Гулруҳбегим АҚШ шахмат федерацияси томонидан 2023 йилнинг "Энг яхши аёл шахматчиси" деб топилди. 24 ёшли халқаро гроссмейстеримизнинг айни пайтда АҚШда бизнес бошқаруви ва менежмент йўналишида таҳсил олаётганини ҳам таъкидлаш жоиз.

Эслатиб ўтамиз, Гулруҳбегим Тоҳиржонова 2021 йилдан буён АҚШ миллий терма жамоаси шарафини ҳимоя қилиб келмоқда. У бунгача Ўзбекистон терма жамоаси аъзоси ҳисобланган, аммо ўша вақтдаги раҳбарият билан юзага келган низо сабаб у терма жамоамизни тарк этган эди.