27 авг 09:54
Янгиликлар
МакГрегор - Мэйвезер жангида боксчи ғалаба қозонди!
10 раунд давом этган жангда Флойд Мэйвезер кетма-кет зарбалари ва тажрибаси эвазига рақибини нокаутга учратди. Ушбу ғалаба Флойднинг фаолиятидаги 50-ғалаба бўлди.
OLAMSPORT.COM сайти жангдан матнли трансляция олиб борди.
МАТНЛИ ТРАНСЛЯЦИЯ
ЎНИНЧИ РАУНД! НОКАУУУТ! МЭЙВЕЗЕР ЎЗИНИНГ 50-ҒАЛАБАСИНИ ҚЎЛГА КИРИТДИ!
Тўққизинчи раунд тугади. МакГрегор жуда чарчади. Нокаут бўлмаса унга шуни ўзи етарли.
Саккизинчи раунд якунланди. Бу раундда айтарлик аниқ ҳаракатлар бўлмади.
Еттинчи раундда Мэйвезердан зарбалар сериясини кўрдик. Навбат нокдаунга бўлса керак.
Олтинчи раундда Мэйвезер тўлиқ устунлик қилди.
Бешинчи раунд якунланди. Флойд боксда ким аслида ким эканлигини исботламоқда. МакГрегорнинг зарбалари кучсиз ва ўз манзилига етиб бормаяпти.
Тўртинчи раундда Мэйвезер устунлик қилди. МакГрегор чарчаб қолгандек кўринмоқда.
Учинчи раунд тугади. МакГрегор рақиб бошининг орқа қисмига зарбалар бермоқда. Агар бу ҳаракатини давом эттирса очко олиб ташланиши аниқ.
Иккинчи раунд тугади. Бу раундда Мэйвезердан битта кучли ва аниқ зарба кўрдик.
Биринчи раундда бироз МакГрегор устундек кўринди. Флойд кучини тақсимламоқда.
Биринчи раундни Конор МакГрегор фаол бошлади.
ЖАНГ БОШЛАНДИ!
БИЗ КУТГАН ЖАНГ БОШЛАНМОҚДА!
Кечанинг асосий қаҳрамонлари рингга чиқиб келмоқдалар.
Спортчилар жангга тайёрлар!
Энди эса АҚШ мадҳияси...
Айни пайтда МакГрегор шарафига Ирландия мадҳияси янграмоқда.
Жангни томоша қилиш учун ташриф буюрган Майк Тайсон
Эслатиб ўтамиз, кеча жанг олди вазн ўлчаш маросими бўлиб ўтган. Ушбу маросимда Конор МакГрегор 69,4 кг, Мэйвезер эса 67,8 кг тош босди. Маросимдан олинган ВИДЕО ҳамда СУРАТЛАРНИ томоша қилишингиз мумкин.
Айни пайтда жанг оқшомининг "Undercard" жанглари якунланди. Навбат асосий жангга!
Ассалому алайкум спорт иҳлосмандлари. Йил жанги дея таъриф берилаётган Мэйвезер - МакГрегор жангидан матнли трансляциямизни бошлаймиз.
Фикрлар
Конар МакГрегорга боксда бало борми, яна енгилмас Флойд Майвейзерга,
Конар Майвейзерни 1 чи ёки 2 чи раундда нокаут килмокчи эди,
(кани нокаут Конар?????)
Бокс осон деб уйлагандирда Конар ва унинг жамоасидагилар ))))),
Энди учгандир Конар МакГрегор!!!
Майвейзерни билиб булмас ута кучли тактикаси бор, шу тактикани яна ишлатди,
яша Флойд Майвейзер.