Аббос Махсталиев нима учун "Монако"га ўтмаган? Ёши "урилганмиди"? Уни Францияга олиб борган агент бор ҳақиқатни айтди

"Аббосни "Монако"га олиб борганимдан кейин одамлар йиллар давомида ўйлаб топган афсоналар бор: Махсталиевдан қон олишибди, қонидан ёшини аниқлашибди. Аслида бундай нарсалар умуман бўлмаган. Аббос билан бирга "Монако"га борганмиз, у ерда ўртоқлик учрашувида ҳам майдонга тушган ва адашмасам 2 та голли узатма берганди. Аммо клубдагилар дарҳол айтишган: бу футболчининг бўйи ўсмайди ва катта футболда қийналади. Тўғри класс бор, майдонни яхши кўради лекин бошқа ўсмайди дейишган. Трансфер амалга ошмаганига асосий сабаб ҳам шу бўлган", - деди "Пахтакор" вакили Равшан Салимов "Марказий сектор" подкастида.