01 июл 11:26
Янгиликлар

Бокс/ММА

Абдуғофуров - Чудинов реванш жанги муддати ҳақида хабар берилди

Иккинчи ўрта вазн тоифасида собиқ жаҳон чемпиони Фёдор Чудинов ҳамюртимиз Азизбек Абдуғофуров билан имкон қадар тезроқ реванш жанги ўтказмоқчи.

"1 июлдан машғулотларни бошлаймиз. Биз Абдуғофуровдан реванш олишни истаймиз. Жанг сентябрь ойида ўтказилиши мумкин", — дейди Чудиновнинг мураббийи Виталий Сланов ТАСС ахборот агентлигига берган интервьюсида.

Эслатиб ўтамиз, боксчилар ўртасидаги илк жанг шу йилнинг апрель ойида ўтказилиб, Чудинов чарм қўлқоп устамизга 93-97, 92-97, 91-98 ҳисобида ютқазиб қўйганди. Жанг якунланиши билан ҳар икки боксчи реванш жанги ўтказилишига рози эканликларини маълум қилишганди.