Абдумалик Халоковнинг проф боксдаги учинчи жанги тасдиқланди + ПОСТЕР

Оқшом доирасида Олимпия ўйинлари чемпиони Абдумалик Халоков ҳам ўз жангини ўтказади. Унга ўша куни ҳиндистонлик Аниш Кумар рақиблик қилади. Аввалроқ, Ҳалоков танзаниялик Рамадан Иддига қарши рингга чиқиши мумкинлиги айтилганди. 

Бу чарм қўлқоп устамиз учун проф рингдаги учинчи жанг бўлади. У иккала жангида ҳам рақибларини мағлубиятга учратган. Ҳинд боксчиси эса 5 та ғалаба, 6 та мағлубият ва 1 та дуранг натижа қайд этган. Ғалабаларининг барида рақибларини муддатидан аввал мағлубиятга учратган. Ўзи ҳам икки бор нокаутга учраган. 

Маълумот учун, турнирнинг марказий жанги супер енгил вазн тоифасида собиқ жаҳон чемпиони Муроджон Аҳмадалиев иштирокида кечади.