"Манчестер Сити" ўз уйида "Ньюкасл Юнайтед"ни қабул қилиб, ишончли ғалабага эришди ва финал йўлланмасини қўлга киритди.
"Этихад"даги голлар шоуси:
Ўйинни шиддатли бошлаган "шаҳарликлар" 7-дақиқадаёқ Омар Мармушнинг голи эвазига олдинга чиқиб олишди. 29-дақиқада Мармуш дублни расмийлаштирган бўлса, орадан кўп ўтмай, 33-дақиқада Тейани Рейндерс ҳисобни йирик кўринишга олиб келди.
Меҳмонлар сафида Энтони Эланга 62-дақиқада битта жавоб тўпини киритди — 3:1. Икки ўйин натижасига кўра (биринчи баҳс 2:0), Гвардиола шогирдлари 5:1 ҳисобида ғалаба қозониб, финалга йўл олишди.
Ўзбекистон терма жамоаси ҳимоячиси Абдуқодир Ҳусанов баҳсни асосий таркибда бошлади ва унда тўлиқ иштирок этди.
Олдинда бизни Лондон-Манчестер дербиси кутмоқда! Энди финалда "Манчестер Сити"га Лондоннинг "Арсенал" жамоаси рақиблик қилади. "Тўпчилар" ярим финалда "Челси" тўсиғидан муваффақиятли ўтишган эди (умумий ҳисоб — 4:2).
"Манчестер Сити" — "Ньюкасл" (Биринчи ўйин — 2:0)
"Манчестер Сити": 1. Траффорд (Д), 21. Раян Аит-Нури, 6. Натан Аке (С), 45. Абдуқодир Ҳусанов, 33. Нико О'Рейли, 4. Тижани Рейндерс, 27. Матеус Нунес, 47. Фил Фоден, 14. Нико, 42. Антуан Семеньо, 7. Омар Мармуш.
"Ньюкасл": 32. Аарон Рамсдейл (Д), 2. Киран Триппьер (С), 12. Малик Тиав, 4. Свен Ботман, 33. Дэн Берн, 3. Льюис Холл, 8. Сандро Тонали, 28. Жо Уиллок, 41. Жейкоб Рэмзи, 10. Энтони Гордон, 27. Ник Волтемаде.
Фикрлар