07 янв 14:55
Янгиликлар

Теннис

Аделаида турнирининг илк финалчиси маълум

Австралиянинг Аделаида шаҳрида бўлиб ўтаётган WTA - 500 сериясига кирувчи турнир якуний паллага кирди.

WТА рейтингида бешинчи ўринни эгаллаб турган беларуслик Арина Соболенко турнирнинг ярим финалида жаҳоннинг 34-ракеткаси руминиялик Ирина Камила Бегудан 6/3, 6/2 ҳисобида устун келди ва финал йўлланмасини қўлга киритди.

Учрашув бир соату 19 дақиқа давом этди. Ғалаба орқали беларуслик теннисчи ўзаро ўйинлардаги ҳисобни тенглаштирди - 1:1.

Австралиядаги мусобақа ғолиблиги учун Соболенко тунислик Онс Жабер ёки чехиялик Линда Носкова билан куч синашади.