Адесанья ўрта вазн UFC жангчиларидан қаршисида тиз чўкишни сўради

Унинг айтишича, Алекс Перейрани чемпионлик камаридан маҳрум қилгани учун ушбу вазн жангчилари ундан миннатдор бўлишлари керак экан. 

"Ўрта вазнлилар қаршимда тиз чўкиб раҳмат айтишлари керак. Чунки бу болани мен дивизиондан суриб чиқардим. Агар бу ишни қилмаганимда, ҳаммангизга бошоғриғи бўлар эди. Орангиздан кимдир у билан жанг қилиш истагини билдиришига ишонмайман. Мен Алекс билан тўрт маротаба жанг қилдим ва фақат биттасида ғалаба қозона олдим", - деди нигериялик собиқ чемпион ўзининг Youtube каналида". 

Шунингдек, Адесанья эртага тонгда ўтказиладиган Алекс Перейра ва Иржи Прохазка ўртасидаги жангга ҳам ўз муносабатини билдирди. Эртанги жангда ярим оғир вазн тоифасидаги янги UFC чемпиони аниқланади. 

"Менга бу жанг ёқяпти. Уларнинг иккаласи ҳам ностандарт жангчилар ҳисобланади. Мен Иржи ғалаба қозонса керак деб ўйлаяпман. Жанг муддатидан аввал якунланади", - деди Исраэль.