Адҳамжон Эргашев: "Даст кўтариш машқида жароҳат бироз панд берди"

Биз баҳслар якунланганидан сўнг, бир нечта савол билан спортчимизга юзландик:

"Машғулотлар жараёнида кичик жароҳат олган эдим. Даст кўтариш машқида шу озгина панд берди. Бундан кейинги мусобақа Олимпиада бўлади. Токио Олимпиадасига қадар бу жароҳатдан фориғ бўлишга ҳаракат қиламан. Силтаб кўтаришда ўз рекордимга ҳам етиб боролмадим. Аммо бу ҳам яхшиликка. Ўйлайманки, Токиода шахсий рекордимни янгилаб, бундан ҳам юқори натижаларни қайд эта оламан. Бу мақсад йўлида барча машаққатларни енгиб ўтиб, Олимпия ўйинларида қўлимдан келганича ҳаракат қиламан", - деди Адҳамжон Эргашев.

Хуршида Абдикулова суҳбатлашди