21 июн 07:49
Янгиликлар

Футбол

Афғонистон финалда, Эрон ўз уйида мағлубиятга учради

Эроннинг Табриз шаҳрида бўлиб ўтаётган футзал бўйича U-20 Осиё чемпионатида финалчилар аниқ бўлди.

Айтиш керакки, ҳар икки ярим финал баҳси ўзига хос драматик тарзда кечди. Япония U-20 терма жамоаси финал йўлида мусобақа мезбони Эронни 8:4 ҳисобида мағлуб этиб ҳал қилувчи баҳсга йўл олди.

Иккинчи ярим финал ўйинида Афғонистон терма жамоаси Индонезиядан 4:3 ҳисобида устун келди ва ўз тарихида илк марта U-20 Осиё чемпионати финалида ўйнайдиган бўлди. Афғонларга қойил қолмасдан илож йўқ.

Эртага, 22 июнь куни Эрон - Индонезия 3-ўрин учун баҳс олиб борса, Япония - Афғонистон беллашувидан сўнг бу йилги мусобақа ғолиби маълум бўлади.