09 янв 10:17
Янгиликлар

Бокс/ММА

Африкалик боксчи: "Усикни нокаутга учрата оладиган ягона одам менман"

Супероғир вазн тоифасида жаҳон чемпионлиги камарига даъвогар конголик боксчи Александр Усикни нокаутга учратмоқчи.

Мартин Баколе (21-1, 16 КО) дивизион етакчиси, украиналик Александр Усик билан эҳтимолий жанг ҳақида гапирди.

"Мураббийим билан биргаликда анчадан буён Усикни фақат мен мағлуб эта олишим ҳақида гапириб келяпмиз. Боксни тушунадиганлар билади, Усикка нафақат муаммо келтира оладиган, балки уни нокаутга учрата оладиган ягона боксчи бу Мартин Баколе. Мен бу ҳақда беш йилдан бери гапиряпман", деди Баколе.

Маълумот учун, Мартин Баколе 32 ёшда. Конголик чарм қўлқоп устаси 2014 йилдан буён профессионал боксда жанг қилиб келади.