23 фев 15:09
Янгиликлар

Қишки спорт турлари

Афсонавий “Бинокор”нинг илк ғалабаси, хоккейчи мухлиснинг жағини пойлади ФОТОГАЛЕРЕЯ

Ҳозиргина пойтахтимиздаги “Ice City” мажмуасида хоккей бўйича Ўзбекистон чемпионатининг 6-туридан ўрин олган илк учрашув якунланди.

Унда афсонавий “Бинокор” жамоаси пешқадам “Хумо” хоккейчиларини 4:2 ҳисобида мағлуб этди. Бу “Бинокор”нинг чемпионатдаги илк ғалабаси бўлди. Эртага турнинг иккинчи учрашуви “Тошкент” ва “Семурғ” жамоалари ўртасида бўлиб ўтади.

Эътиборга молик жиҳати шундаки, бугунги учрашувнинг учинчи давраси ўтиб бораётган бир паллада хоккейчи томонидан йўлланган шайба трибунада ўтирган мухлиснинг юз қисмига бориб тегди. Бу ҳолатда “Ice City” мажмуасининг профессионал хоккейга мўлжалланмаган арена эмаслиги кўриниб қолди.

Олтинчи тур ўтиб бораётган бир паллада Ўзбекистон чемпионатида 8 очко тўплаган “Ҳумо” жамоаси якка пешқадамлик қилмоқда. Эртага ўзаро ўйин ўтказувчи “Семурғ” ва “Тошкент” жамоалари ҳисобида 6тадан очко бор.