Афсонавий боксчи жинсий зўравонликда айбланмоқда

"Сўнгги олти ой давомида икки аёл мен ва оиламнинг миллионлаб долларларини ўмармоқчи бўляпти. Уларнинг ёлғонларига кўра, мен 45 йил аввал, 1970 йилларда уларга нисбатан жинсий зўравонлик уюштирган эмишман. Мен бу айбловларни қатъиян рад этаман.

Мен спорт фаолиятимда ҳам ўзим учун муҳим бўлган обрўимдан фахрланаман. Мен асоссиз таҳдид ва ёлғонлардан қўрқмайман. Ҳар доим Худога бўлган ишончим билан йўл тутганман, бундан кейин ҳам шундай бўлади. Мени айблаганларни тўлиқ фош қилиш ва ўзимни ҳимоя қилиш мақсадида мен адвокатларим билан иш олиб бораман. Мен урушмайман ва улардан қочмайман", - дея Форманнинг сўзларини келтиради BoxingScene нашри.

Эслатиб ўтамиз, Жорж Форман сўнгги жангини 1997 йилнинг 22 ноябрида Шеннон Бриггсга қарши ўтказиб, очколар эвазига мағлуб бўлган эди.

Маълумот учун, америкалик чарм қўлқоп афсонаси фаолияти давомида 81 та жанг ўтказиб, 76 ғалабага эришган, беш маротаба мағлубият аламини тотиб кўрган.