30 янв 08:57
Янгиликлар

Бокс/ММА, Токио-2020

Аҳмадалиев Лас-Вегасда афсонавий Мейвезер билан учрашди+ФОТО

Рио-2016 Олимпиадаси совриндори Муроджон Аҳмадалиев дунё бокс маркази ҳисобланган АҚШнинг Невада штати Лас-Вегас шаҳрида афсонавий боксчи Флойд Мейвезер билан учрашди.

Хабарингиз бор, Аҳмадалиев фаолиятини профессионал боксда давом эттириш мақсадида океан ортига йўл олганди. Ҳозирча у ҳеч бир промоутерлик компанияси билан расман шартнома имзолагани йўқ.

“Бу инсон боксчилар учун эталон. Мен Флойд @floydmayweather билан учрашганимдан хурсандман. Иложсиз нарсанинг ўзи йўқ. Ҳаммаси ўзимизга боғлиқ. Муҳими, мақсад қўйиб, унга интилиш”, - дейди Аҳмадалиев.

Маълумот учун, Муроджон Аҳмадалиев Лас-Вегасда кечган бокс оқшомида Мейвезер билан суратга тушган. Бу бокс кечасида ҳамюртимиз Санжар Раҳмонов рингга кўтарилган ва рақибини нокаутга учратганди. Раҳмонов айнан Мейвезер промоутерлик компаниясининг аъзоси ҳисобланади.