Ажабо! UFC Fight Night 241 турниридаги яна бир жангда Нурсултон Рўзибоев иштирокидаги тўқнашувда бўлган воқеа юз берди

Бироз олдин мусобақа доирасида ҳамюртимиз Нурсултон Рўзибоев америкалик Седрик Дюмага қарши жанг қилиб, биринчи раундда нокаут орқали ғалаба қозонган эди. Ушбу жангда Дюма Нурсултонни кўзга зарба беришда айблаган эди.

Бу жангдан кейин ўтказилган Крис Вайдман ҳамда Бруно Сильва беллашувида ҳам шунга ўхшаш вазият рўй берди. Яъни, Вайдман Силванинг кўзига қўлини тиқиб олди, натижада 3-раундда жанг тўхтатилди ва Вайдманнинг ғалаба қозонгани эълон қилинди.

Дастлаб, Крис Вайдман ушбу жангда 3-раундда техник нокаут билан зафар қучгани айтилганди, кейинчалик натижа очколар ҳисобига кўра ўзгартирилди.