Акбар Исломбоев LFA 219 турнирининг асосий жангида октагонга чиқди

Оқшомнинг марказий жангида ўзбекистонлик 26 ёшли аралаш яккакураш устаси Акбаржон Исломбоев австралиялик Исаак Томпсонга қарши октагонга чиқди. Беш дақиқадан уч раунд тўлиқ давом этган жангда Исаак ҳакамларнинг айри қарори билан ғалаба қозонди. Икки ҳакам 29-28 ҳисобидаги ғалабани австралияликка, яна бири ҳамюртимизга тақдим этган.

Маълумот учун, Акбаржон Исломбоев фаолияти давомида ҳозиргача 11 та жанг ўтказиб, 10ғалаба ва 1 та дуранг қайд этганди. Бугун у илк аламли мағлубиятини қабул қилди. Ғолиб номи эълон қилинганида Исломбоев ҳакамлар қарорига умуман қўшилмади. 23 ёшли Томпсон эса бугун 9-ғалабасини қўлга киритди. Ҳисобидаги мағлубиятлари 2 талигича қолди. 

Эслатиб ўтамиз, бу Акбаржон Исломбоевнинг АҚШнинг LFA лигасидаги илк жанги бўлди. У ўтган ойда ушбу промоушен билан шартнома имзолаган эди.