Аламжон Муллаев Осиё самбо уюшмаси президентлигига қайта сайланди

Ушбу Конгрессда Ўзбекистон Республикаси Туризм ва спорт вазири ўринбосари Аваз Каримов, Миллий олимпия қўмитаси бош котиби Ойбек Касимов, Осиё самбо уюшмаси президенти Аламжон Муллаев, ташкилотга аъзо мамлакатлар делегатлари ва бошқалар иштирок этишди.

Кун тартибидан Осиё самбо уюшмасининг бошқарув органларига, шунингдек ташкилотга янги раҳбар сайлаш масалалари ўрин олганди.

Конгрессда 15 га яқин мамлакат вакиллари бевосита, қитъа самбо уюшмасига аъзо қолган мамлакатлар вакиллари эса онлайн равишда иштирок этишди.

Кун тартибининг асосий масаласи - ташкилотга президент сайловларида делегатлар амалдаги президент Аламжон Муллаевни ушбу лавозимга қайта сайлашди. 

Ўзбекистон самбо ассоциацияси ушбу ишонч билан Аламжон Тўхтасиновични муборакбод этади ва мазкур лавозимда муваффақиятлар тилайди.

 Ўзбекистон самбо ассоциацияси матбуот хизмати