Алекс Перейра Дрикус Дю Плессига "вызов" ташлади

Бразилиялик аралаш яккакураш устаси бир ойдан кейин ўз чемпионлик камарини америкалик Халил Раунтридан ҳимоя қилади. Шундан кейин у ўрта вазнда UFC чемпиони, Жанубий Африка Республикаси вакили Дрикус Дю Плесси билан жанг қилмоқчи.

"Ҳозир бор эътиборимни Раунтрига қарши кечадиган жангга қаратганман. Натижадан қатъи назар, яна бир бор ўрта вазнга тушиб, ўзимни камар учун жангда синаб кўрмоқчиман. Эй, Дрикус, иродангни бир муштингга жамлаб, мен билан жанг қил. Мендан яхши эканингни исботла", - деди Перейра. 

Эслатиб ўтамиз, Дрикус 17 август куни Перт шаҳрида ўтказилган UFC 305 турнирида илк чемпионлик ҳимоя жангини Исраэль Адесаньяга қарши ўтказиб, тўртинчи раундда номдор рақибини бўғиш усули билан мағлубиятга учратган эди. Унинг Халил Раунтрига қарши жанги 5 октябрь куни Солт-Лейк-Сити шаҳридаги UFC 307 турнири доирасида бўлиб ўтади.