30 янв 13:20
Янгиликлар

Бокс/ММА

Алекс Перейра UFC 312 турнирида иштирок этади, аммо жанг қилмайди

9 февраль куни Австралиянинг Сидней шаҳрида UFC 312 турнири ташкил этилади.

Мусобақанинг марказий жангида ўрта вазн чемпиони Дрикюс Дю Плесси собиқ чемпион Шон Стриклендга қарши октагонга чиқади.

Стрикленднинг мураббийи Эрик Никсикнинг сўзларига кўра, ўша куни ярим оғир вазн тоифасида UFC чемпиони Алекс Перейра ҳам Стрикленднинг секундантлари қаторида бўлади.

Ҳозирда жамоадош ҳисобланувчи Алекс ва Шон 2022 йилда UFC 276 турнири доирасида жанг қилган. Ўшанда Перейра рақибини иккинчи раундда нокаутга учратганди.