Алекс Перейра UFC 313 турнирининг марказий жангида октагонга чиқиши мумкин

Рақамланган UFC 313 турнирининг марказий жангида айнан бразилиялик чемпион ўз камарини ҳимоя қилиши кутилмоқда. Вазиятга яқин бир-биридан мустақил манбалар бу ҳақда хабар беришяпти. 

Халқаро хотин-қизлар байрам кунидаги турнир карди бразилиялик жангчилар билан тўлиб бораётгани ҳам бу хабарлар тўғри эканига ишора қиомоқда. Ҳозиргача расман тасдиқланган 7 та жангда 9 нафар бразилиялик аралаш яккакураш устаси октагонга чиқади. 

Аввалроқ, Алекс Перейранинг ўзи ҳам рақиб маълум бўлиб улгургани, фақат бу хабар расман UFC томонидан эълон қилинишини айтган эди. Алекс рақиб аниқ рейтингда биринчи ўринни эгаллаб турган россиялик Магомед Анкалаев бўлмаслигини ҳам қўшимча қилганди.

Маълумот учун, ўтган йили Алекс Перейра учта муваффақиятли чемпионлик ҳимоя жангларини ўтказди. Даъвогарларнинг бари - Жамал Хилл, Иржи Прохазка ва Халил Рунтри муддатидан аввал нокаутга учратилди. Алекс World MMA Awards талқини бўйича йилнинг энг яхши ММА жангчиси деб ҳам топилди.