Алекс Волкановски «Кореялик зомби»ни нокаут қилишга ваъда берди

«У даъвогарлик жангида Брайaн Ортега билан жанг қилди ва мағлуб бўлди, аммо кейин яхши жангда ғалаба қозонди ва Макс Холлуэйнинг жароҳати унга чемпионлик учун имконият берди.

У жуда узоқ вақтдан бери юқори поғонада ва ўн йилдан кўпроқ вақт давомида даъвогарлардан бири бўлиб келмоқда. У яна бир имкониятга эга бўлди, аммо мен унга жуда кучли эканлигимни ва бутунлай бошқа даражада эканлигимни исботлайман.

Ҳа, у зўр ва шунинг учун уни «Зомби» дейишади, лекин унинг «тешиклари» жуда кўп, мен улардан албатта фойдаланаман. Мен уни исталган услубда мағлуб этишим мумкин. Уни нокаут қилмоқчиман ва  ўз даражамни кўрсатмоқчиман», - деди австралиялик чемпион Just Scrap Radio'га.