Алекс Волкановски Лопесдан кейинги эҳтимолий рақибини айтди

Унга кўра, энг муносиб рақиб — 66 кг вазн тоифасидаги рейтингда 1-ўринда турган россиялик Мовсар Евлоев.

"Менимча, энг муносиб жангчи — Мовсар. Агар унинг кимлар билан жанг қилганига назар ташласак, у биринчи рақамли даъвогар бўлиши керак. Лекин Мёрфи ёки ҳатто Алжамейн Стерлинг ҳам муносиб жангчилар. Ҳаммаси яхши кўрсаткичларга эга. Бироқ мен Мовсарни танлардим. У мағлуб этилмаган. Ном нуқтаи назаридан олганда, бу жанг мен учун жуда муҳим бўларди. Гарчи шундай десам-да, мен етарлича мерос ярата олганман, деб ўйлайман. Аммо Сиднейдаги кўплаб мухлислар олдида Лопесга қарши жанг — ҳозир мен учун энг муҳим воқеа", — деб ёзади FOX Sports Australia Волкановскининг сўзларини.