Алекс Волкановски навбатдаги рақиби сифатида кимни кўраётганини айтди

"Қандай жангчи эканимни биласиз. Мен муносиб рақиблар билан жанг қилмоқчиман. Мовсар ва Лерон Мёрфи бор. Айтишларича, улар ўзаро жанг қилишар экан. Бу фақат гап-сўзми ёки ростдан ҳам шундайми — билмайман. Агар улар ўзаро жанг қилса, ажойиб бўлади. Мен ўша жангни кузатаман. Агар навбатдаги жангим ярим енгил вазнда бўлса, демак, улардан бири рақиб бўлиши керак.

Чемпион сифатида мени тушуниш осон: ким муносиб бўлса — ўша навбатдаги рақиб. Бу — чемпион сифатидаги масъулият. Ҳамма чемпионлар бунга шундай қарамайди, лекин мен учун бу — оддий масъулият.

Рейтинглар бекорга тузилмаган. Унда муносиб жангчилар бор. Агар кимдир топ-15 га кирса ҳам, мен фаол бўлиб, муносибларга имконият беришга тайёрман, токи улар узоқ кутмасин. Акс ҳолда, бошқаларни четлаб ўтиб, ўз ишимни қилмаган бўламан. UFC билан гаплашиб, нима дейишларини кўраман", — деди Волкановски MMAJunkie’га.