Александр Петров: “Олмалиқ” Осиё чемпионатида юқори натижалар учун курашади”

Дастлабки тадбирда мусобақа формати, тақвими, жамоаларнинг учрашувларда фойдаланадиган либослари, маркетинг, медиа, тиббий масалалар, тартиб-интизом ва допинг назорати каби йўналишлар борасида маълумот берилди.

Кейин жамоалар шифокори ва массажчилари иштирокида алоҳида семинар бошланди. Унда ҳар бир футболчини мусобақа давомида соғлиги назорат қилиб борилиши ҳамда допинг назорати жиддий ўтказилиши таъкидланди.

Шундан сўнг эса жамоалар бош мураббийлари иштирокида матбуот анжумани ўтказилди. “Олмалиқ” бош мураббийи Александр Петровнинг турнир бўйича фикрлари қуйидагича бўлди.

- “Олмалиқ” жамоаси ташкил этилганига икки йил бўлди. Жамоа ёш бўлишига қарамасдан кетма-кет икки йилдан буён чемпионликни қўлга киритяпти. Турнир борасида айтадиган бўлсам, “Олмалиқ” шунчаки иштирок этиш учун келмаган. Жамоа иложи борича юқори натижалар учун курашади. Гуруҳимизда Эрон жамоаси фаворит. Аммо биз ҳам бу турнирда ўз салоҳиятимизни кўрсатишга ҳаракат қиламиз.