Александр Усик: "Фьюри мендан қўрқади"

Супероғир вазнда WBA Super, IBF ва WBO камарлари соҳиби, украиналик Александр Усик британиялик боксчи, шу вазннинг WBC камари соҳиби Тайсон Фьюри ҳақида фикр билдирди.

"Айни пайтдаги вазият мени бироз кулдирмоқда. Ҳа, бу ҳақиқатан ҳам кулгили. У нега бундай қилди? Биз келишиб бўлгандик, лекин у менинг жанг қилишни хоҳламаётганим ҳақида гапирди. Биламан, у мендан қўрқади", - дея Усикнинг сўзларини келтиради Lomus_official нашри.

Маълумот учун, Александр Усик сўнгги жангида Энтони Жошуа устидан ғалаба қозонган эди. Фьюри эса охирги жангида Диллиан Уайтни мағлуб этган.