13 дек 12:16
Янгиликлар

Бокс/ММА

Александр Усик навбатдаги жанги учун рақибини билиб олди

Супероғир вазн тоифасида асосий учта чемпионлик камари соҳиби бўлиб турган Александр Усикнинг кейинги рақиби маълум қилинди.

Украиналик жаҳон чемпиони британиялик Даниэл Дюбуага қарши рингга кўтарилади. Бу ҳақда Бутунжаҳон бокс ассоциацияси (WBA) матбуот хизмати хабар бермоқда. Усик WBA камарини мажбурий тарзда расмий даъвогардан ҳимоя қилади. Ҳозирча жанг санаси ва манзили тасдиқланмаган.

Маълумот учун, Александр Усик проф рингдаги фаолияти давомида 20 та жанг ўтказиб, уларнинг барчасида ғалаба қозонган. У сўнгги жангини шу йилнинг 21 август куни Энтони Жошуага қарши ўтказиб, ҳакамларнинг қарори билан ғалаба (113-115, 115-113, 116-112) қозонган эди.

Таққослаш учун, Даниэл Дюбуа ҳам Усик сингари 20 та жанг ўтказган бўлиб, ҳисобида 19 ғалаба бор. Битта жангда мағлубият аламини тотиб кўрган. У WBA Regular камари соҳиби ҳисобланади.