24 апр 20:17
Янгиликлар

Теннис

Алькараз - Barcelona Open ғолиби!

Испаниялик теннисчи Карлос Алькараз ўз ватанида ўтказилган турнирнинг бош совринини бегона қилмади.

Дунёнинг иккинчи ракеткаси Барселона турнирининг финалида худди ўтган йилда бўлгани сингари грециялик Стефанос Циципасни мағлубиятга учратди. Циципас рейтингнинг бешинчи поғонасидан жой олган.

Етмиш тўққиз дақиқа давом этган баҳсда Карлос 6/3, 6/4 ҳисобида зафар қучди. Теннисчиларнинг ўзаро учрашувларидаги ҳисоб янада йириклашди - 4:0.

Barcelona Open Banc Sabadell турниридаги муваффақиятли иштирок Алькаразга 477,795 доллар мукофот пули ҳамда 500 рейтинг очкосини тақдим этди. У чемпионлик унвонини муваффақиятли ҳимоя қилди. Бу Карлос учун мавсумдаги учинчи, фаолиятидаги тўққизинчи соврин бўлди.