Алматида Қишки Универсиада якунланди

Универсиада-2017 якунида Россия терма жамоаси талаба спортчилари умумжамоа ҳисобида катта фарқ билан биринчи ўринни эгаллашди. Улар 29 та олтин, 27 та кумуш, 15 та бронза, жами 71та медални қўлга киритишди.

Иккинчи ўринни мезбонлар эгаллашди. Қозоғистон терма жамоаси спортчилари 11 та олтин, 8 та кумуш, 17 та бронза медалига сазовор бўлишди.

Кучли учликка 11 та олтин, 5 тадан кумуш ва бронза медали билан Жанубий Корея терма жамоаси якун ясади. Жами 25 мамлакат спортчиларига камида битта бронза медалини қўлга киритиш насиб этди.