26 май 12:54
Янгиликлар
Футбол
Альварес "Барселона"га ўтиш учун "Атлетико" билан шартномани узайтиришни рад этди — Marca
Мадриднинг "Атлетико" клуби ҳужумчиси Хулиан Альварес "Барселона"га ўтиш мақсадида "матрасчилар"нинг йиллик 10 миллион евро маош кўзда тутилган янги шартнома таклифини рад этди.
Бу ҳақда Испаниянинг Marca нашри хабар бермоқда.
Манба берган маълумотга кўра, каталонияликлар учун потенциал трансфернинг қийинчилиги шундаки, "Атлетико" футболчи учун камида 150 миллион евро талаб қилмоқда. Сабаби, унинг амалдаги шартномаси 2030 йилнинг ёзигача мўлжалланган ва унда товон пули 500 миллион евро этиб белгиланган. Аргентиналик футболчининг ўзи эса ўзи учун "янада истиқболли лойиҳа"га ўтишни истамоқда.
Аввалроқ, футболчига ПСЖ, "Арсенал" ва "Барселона" клублари жиддий қизиқиш билдираётгани ҳақида хабар берилган эди.
Жорий мавсумда Альварес 49 та учрашувда майдонга тушиб, 20 та гол урди ва 9 та голли узатмани амалга оширди. Transfermarkt портали 26 ёшли аргентиналикни 90 -миллион еврога баҳоламоқда.
Ҳавола :
Манба : Marca
Фикрлар