11 ноя 16:26
Янгиликлар

Бокс/ММА

Альварес - Головкин: Трилогия май ойида ўтказилади

Matchroom Boxing промоутерлик компанияси раҳбари Эдди Хирн мижози, ўрта вазнда IBF ва IBO йўналишлари чемпиони Геннадий Головкинга шов-шувли жанг тайёрламоқда.

Таниқли промоутер учта вазн тоифасида амалдаги жаҳон чемпиони, мексикалик суперюлдуз Сауль "Канело" Альваресга қарши трилогия жангини ташкил этиш бўйича саъй-ҳаракатларни бошлаб юборди. Британиялик промоутер бу жангни 2020 йилнинг май ойида ўтказмоқчи.

"Биз Альварес - Головкин жангини май ойида ўтказишга тайёрмиз. Головкин жангга рози, ҳамма гап Канелонинг ўзида қолди", - дея Хирннинг сўзларидан иқтибос келтирмоқда BoxingNews24.

Эслатиб ўтамиз, бу икки жаҳон чемпионларининг илк жанги дуранг натижа билан якунланганди. Иккинчи тўқнашувда эса Сауль Альварес очколар ҳисобига кўра ғалаба қозонган эди.