20 окт 12:59
Янгиликлар

Бокс/ММА

Альваресга иккита The Ring чемпионлик камари топширилди

Профессионал бокснинг ўрта вазн тоифасида WBC ва WBA йўналишлари чемпиони Сауль “Канело” Альварес дунёга машҳур ҳисобланган The Ring журнали таъсис этган иккита чемпионлик камарини қўлга киритди.

Ушбу тантанали маросим АҚШнинг Лос-Анжелес шаҳрида бўлиб ўтди. Мексикалик жаҳон чемпиони The Ring камаридан ташқари вазн тоифасидан қатъий назар энг кучли боксчига аталган The Ring Pound-For-Pound камарига ҳам эга бўлди.

The Ring чемпионлик камари мана бир неча йилдан бери топширилиб келинади. Илк бор Жек Дэмпси ушбу камар соҳибига айланган. Ўз даврининг барча афсонавий чемпионлари The Ring камарини қўлга киритган.

Pound-For-Pound чемпионлик камари эса 1993 йилда таъсис этилган бўлиб, унинг илк соҳиби Пернелл Уитакер бўлган. Оскар Де Ла Хойя, Рой Жонс, Бернард Хопкинс сингари афсоналар ҳам мазкур икки совринга сазовор бўлишган.