24 мар 07:56
Янгиликлар

Теннис

Амалдаги чемпион Медведев Майами "Мастерс" учинчи даврасига йўл олди

АҚШнинг Майами шаҳрида теннис бўйича "Мастерс" сериясига кирувчи турнир давом этмоқда.

Мукофот жамғармаси 8,9 миллион долларни ташкил этувчи ушбу мусобақада учинчи давра иштирокчилари аниқланяпти. Дунёнинг тўртинчи ракеткаси, россиялик Даниил Медведев иккинчи даврада ATP рейтингида 86-поғонада бораётган венгриялик Мартон Фучовични 6:4, 6:2 ҳисобида мағлубиятга учратди.

Етмиш саккиз дақиқа давом этган баҳсда Медведев 3 та, Фучович 4 та эйс зарбани амалга оширган. Даниил Майами "Мастерс" турнирининг амалдаги чемпиони ҳисобланади. У ўтган йилги финалда италиялик Янник Синнердан устун келган эди.