Аманда Анисимова Мельбурн-2 турнири ғолибаси

Дунёнинг 78-ракеткаси бўлиб турган Аманда Мельбурн-2 турнирининг финалида рейтингнинг 107-поғонасида бораётган беларуслик Александра Сосновични уч сет натижасига кўра мағлубиятга учратди - 7/5, 1/6, 6/4.

Икки соату 8 дақиқа давом этган баҳсда Аманда 4 тадан эйс ва брейкни амалга оширди. У ҳал қилувчи учинчи сетда 0:3 ҳисобида ортда бораётиб, якунида учрашувни ўз фойдасига ҳал қила олди. Бу теннисчиларнинг ўзаро ўтказган илк учрашуви эди. 

Мельбурндаги муваффақиятли иштирок Анисимовага 280 рейтинг очкоси ҳамда 31,000 доллар мукофот пули келтирди. Соснович эса бир ҳафталик иштирокидан 180 балл ва 18,037 доллар ишлаб олди.