Аманда "Она шер" Нунес UFC қафасига қайтмоқда

Бразилиялик "Она шер" Жулианна Пенья ва Кайла Харрисон ўртасидаги чемпионлик жаги ғолибасига қарши октагонга чиқишга тайёр эканини маълум қилди. Майамида ўтган UFC 314 турнири матбуот анжуманида Нунес бу ниятини ошкор этди. 

Ёдингизда бўлса, 2021 йилда Пенья шов-шувли тарзда Нунесни муддатидан аввал мағлубиятга учратиб, дивизионнинг янги чемпионига айланганди. Лекин 2022 йилда ўтказилган реванш жангида Жулианна камарини бой берди. Кейин Нунес фаолиятини якунлаганини эълон қилди. Бундан унумли фойдаланиб қолган Пенья яна ишга киришди ва Ракель Пеннингтонни ҳакамларнинг айри қарори билан мағлубиятга учратган ҳолда фаолиятида иккинчи бор чемпионлик камарини қўлга киритди.

Жуллиана Пенья - Кайла Харрисон жанги 7 июнь куни АҚШнинг Ньюарк шаҳрида ташкил этиладиган UFC 316 турнири доирасида ўтказилади. Дзюдо бўйича икки карра Олимпиада чемпиони бўлган Харрисон ушбу жангда фаворит ҳисобланмоқда. У ўтган йили UFC промоушенида дебют қилганди. Аввалига Холли Холмни бўғиш усули билан мағлубиятга учратган, кейин эса Кетлин Виейрани очколар ҳисобига кўра таслим этган эди.