30 янв 09:37
Янгиликлар

Теннис

Аманмурадова ўзидан 245 поғона юқоридаги рақибини мағлуб этди

Таиланднинг Нонтабури шаҳрида теннис бўйича "Фьючерс" туркумига кирувчи турнир ўтказиляпти.

Хабар берганимиздек, ушбу мусобақада икки ҳамюртимиз - Нигина Абдураимова ва Акгул Аманмурадова ҳам иштирок этаётганди. Нигина саралаш турнирида мағлубиятга учраган бўлса, Акгул ғалабалари эвазига асосий тўрга йўлланма олган эди.

Бундан бир неча дақиқа аввал теннисчимиз яккаликдаги иккинчи ғалабасини қўлга киритди. WTA рейтингида 456-поғонадан жой олиб турган вакиламиз дунёнинг 211-ракеткаси, турнирда еттинчи рақам остида таснифланган хитойлик Ю Сяодини 7:6(7), 6:1 ҳисобида енгди.