30 янв 15:30
Янгиликлар

Бокс/ММА

Амир Хан 2 йиллик танаффусдан кейинги илк жангини 21 апрель куни ўтказади, рақиб ҳам маълум

Биринчи ярим ўрта вазн тоифасида собиқ жаҳон чемпиони Амир Хан ўзининг икки йиллик танаффусдан кейинги илк жангини ўтказади.

Британиялик боксчининг рақиби канадалик 33 ёшли Фил Ло Греко бўлади. Ушбу жанг 21 апрель куни бўлиб ўтади. Яқинда Амир Хан Эдди Хирнга тегишли Matchroom Boxing промоутерлик компанияси билан шартнома имзолаган эди. Келишувга биноан Хан шу йилнинг ўзида 3та жанг ўтказиши керак.

Эслатиб ўтамиз, Амир Хан сўнгги бор 2016 йилнинг май ойида рингга чиққан ва ўша пайтда WBC чемпиони бўлган Сауль Альваресга кучли нокаут эвазига имкониятни бой берган эди.