Амир Хан ва Сэмюэл Варгас кўз уриштиришди

Боксчилар бўлажак жанг олдидан ўзаро кўз уриштириш маросими ҳамда илк матбуот анжуманида иштирок этишди. Бўлажак жанг ғолиби ярим ўрта вазнда WBA чемпионлик камари соҳиби Лукас Матиссега қарши рингга кўтарилиш имкониятини қўлга киритади. 

Эслатиб ўтамиз, апрель ойида биринчи ярим ўрта вазн тоифасида уч карра собиқ жаҳон чемпиони Амир Хан икки йиллик танаффусдан сўнг катта боксга қайтган ва биринчи раунддаёқ канадалик Фил Ло Грекни нокаутга учратган эди.