25 апр 11:31
Янгиликлар
Теннис
Анастасия Потапова кутилмаганда Истанбулни забт этди
Туркиянинг Истанбул шаҳрида ўтказилган WTA турнири россиялик теннисчининг ғалабаси билан якунланди.
Финал учрашувида россиялик теннисчилар - WTA рейтингида 122-поғонадан жой олиб турган Анастасия Потапова ҳамда дунёнинг 29-ракеткаси Вероника Кудерметова ўзаро тўқнаш келишди. Бир соату 24 дақиқа давом этган баҳсда кутилмаган натижа қайд этилди.
Рақибасидан деярли 100 поғона қуйида жойлашган Потапова 6/3, 6/1 ҳисобида ғалаба қозониб, бош соврин соҳибасига айланди. Ватандошларнинг ўзаро учрашувларидаги мувозанат тикланди - 1:1.
TEB BNP Paribas Tennis Championship Istanbul турниридаги муваффақиятли иштирок 21 ёшли Потаповага 280 рейтинг очкоси ҳамда 31,000 доллар мукофот пули келтирди.
Ҳавола :
Манба : gotennis
Фикрлар