18 дек 14:48
Янгиликлар

Бокс/ММА

Андерсон Сильва Чимаевни мағлуб эта оладиган UFC жангчисини айтди

Собиқ UFC чемпиони Андерсон Сильва ўз ҳамюртини ўрта вазнда (84 кг гача) амалдаги чемпион Хамзат Чимаевга рақобатчи бўлиши мумкин, деб ҳисобламоқда.

Бразилиялик аралаш яккакураш устасининг фикрича, Алекс Перейра БАА шарафини ҳимоя қилаётган Хамзатни мағлуб этишга қодир деб ҳисобламоқда.

"Хамзат - "ҳайвон", ажойиб жангчи. Аммо агар улар Чимаев билан қафасда учрашганида, мен Алекс Перейрани қўйган бўлардим", - деди Сильва The Schmo YouTube каналига берган интервьюсида.

Октябрь ойида UFC 320 турнирида бўлиб ўтган сўнгги жангида Перейра россиялик Магомед Анкалаевни техник нокаут эвазига мағлуб этиб, ярим оғир вазн тоифасида (93 кг гача) чемпионлик камарини қайтариб олганди.

Чимаев UFC 319 оқшомида ҳакамларнинг якдил қарори билан жанубий африкалик Дрикус дю Плесси устидан ғалаба қозониб, ўрта вазн чемпионига айланган эди.