"Андижон" тарихда илк бор ОЧЛ 2`да: тайёргарлик, қуръа ва учрашувлар санаси

Бу нафақат клуб, балки бутун Андижон вилояти учун катта шараф ва муваффақиятли саналади.    

Клуб раҳбарияти ва мураббийлар штаби мусобақага жиддий тайёргарлик кўрмоқда. Легионерлар билан музокаралар олиб бориляпти, инфратузилма яхшиланяпти. Жамоа тўп тепадиган "Бобур Арена" стадионида ҳам халқаро ўйинларга мос равишда шарт-шароитлар яратилмоқда.

Хўш, "Андижон" кимларга қарши тўқнаш келиш мумкин?

ОЧЛ 2 гуруҳ босқичи қуръа орқали аниқланади. Андижонликлар катта эҳтимол билан Марказий Осиё ёки Ғарбий Осиё жамоалари билан рақобатлашади. Саудия Арабистони, Бирлашган Араб Амирликлари, Қатар, Хиндистон, Эрон, Иордания, Ироқ, Туркманистон каби давлатларининг клублари билан ўйнаш эҳтимоли мавжуд.

Қуръа қачон?

ОФК томонидан расман эълон қилинган қуръа маросими 2025 йилнинг 16 август санасида Малайзия давлатида бўлиб ўтади.

"Андижон" мусобақада 2-саватчадан ўрин эгаллаган. Қуйида саватчадан ўрин олган жамоалар билан танишишингиз мумкин:

1. "Истиқлол" (Эрон)

2. "Андижон" (Ўзбекистон)

3. Ироқнинг 2-ўринни олган жамоаси 

4. "Ал Ҳуссайн" (Иордания)

Қуръа натижаларидан сўнг "Андижон" уй-сафар тизимида жами 6 та ўйин ўтказади ва гуруҳда 1–2-ўринларни эгаллаган жасоалар плей-офф йўлланмасини қўлга киритиб, кейинги босқичига чиқади.

Гуруҳ босқичи ўйинлари санаси:

1-тур: 16–18 сентябрь

2-тур: 30 сентябрь-2 октябрь

3-тур: 21-23 октябрь

4-тур: 4-6 ноябрь

5-тур: 25-27 ноябрь

6-тур: 10-11 декабрь

Нодирбек Абдуллаев