Андижонда волейбол бўйича аёллар ўртасида Ўзбекистон чемпионатининг 1-тур ўйинлари якунланди

Мусобақа Андижон давлат тиббиёт институти спорт мажмуасида ташкил этилди.

Бу йилги мусобақада 7та жамоа баҳсларга киришди. Булар - амалдаги мамлакат чемпионлари, Ўзбекистон давлат жисмоний тарбия ва спорт университетининг СКУФ, "Наманган", "Хоразм", "Андижон", Нукус давлат педагогика институти, "ЖДПИ-Зиёкор" (Жиззах давлат педагогика институти) ҳамда Фарғона давлат университетининг "ФарДУ" жамоаларидир.

Мусобақада бу сафар ҳам СКУФ жамоаси рақибларидан бир бош устун эканлигини кўрсатди ва барча ўйинларда ғалабага эришди. Улар фақат Наманган вилояти волейболчи қизларига бир партияни бой берди, қолган барча ўйинларда зафар қучиб, 18 очко билан 1-тур баҳсларида юз фоизлик натижа қайд этишди.

Мусобақа мезбонларига ўз уйида деворлар ҳам ёрдам бердими ёки жамоа ҳақиқатан сезиларли даражада кучайганми, хуллас андижонлик волейболчи қизлар СКУФга ютқазган бўлса, қолган барча рақибларидан устунлигини намойиш этди. Улар 15 очко билан 2-ўринни эгаллаб туришибди.

Наманганлик волейболчилар эса тўрт ғалаба ва икки мағлубият қайд этган ҳолда кучли учликка якун ясаб туришибди.

Кейинги поғоналарни "НДПУ", "ЖДПИ-Зиёкор", "Хоразм" ва ФарДУ жамоалари банд этишган.

Эртага эркаклар жамоалари Навоий шаҳрида тўпланишади ва 9 мартдан бу ерда Ўзбекистон XXIX чемпионати баҳсларига старт берилади.