12 май 09:35
Янгиликлар

Волейбол

Волейбол бўйича Ўзбекистон U18 қизлар терма жамоаси илк бор Жаҳон чемпионатида иштирок этади!

Жорий йилнинг 8-12 июль кунлари Нидерландиянинг Гаага шаҳрида FIVB Beach Volleyball U18 World Championship мусобақаси бўлиб ўтади.

Дунёнинг энг иқтидорли ёш пляж волейболчилари жам бўладиган ушбу нуфузли турнирда илк бор Ўзбекистоннинг U18 қизлар терма жамоаси ҳам иштирок этади.

Ушбу тарихий йўлланма Осиё минтақасидаги саралаш баҳсларида қайд этилган муваффақиятли натижалар эвазига қўлга киритилди.

Гаага шаҳри мезбонлик қиладиган Жаҳон чемпионатида дунёнинг турли қитъаларидан ташриф буюрадиган энг кучли ёш спортчилар ғолиблик учун баҳс олиб боради. Мусобақа саралаш ва асосий тўр босқичларидан иборат бўлиб, юқори даражадаги рақобат ҳамда катта халқаро тажриба майдони вазифасини ўтайди.