Андре Уорд Дана Уайтнинг Жонс - Фьюри жангини ташкил этиш истагига муносабат билдирди

"Шахсан Фьюрининг Жонс ва Нганну билан жангини кўришни истардим. Дана Уайт нима қилаётганини тушунаман. Мен бу жангга ММА мухлислари каби муносабат билдирмайман. Улар нима дейишаётганини биламан. Мен ММАни кузатиб бораман ва улар: "Қўйсангчи, Дана жиддий айтяпсанми? Бир дақиқа олдин бошқа нарсани айтган эдинг, энди фикрингни ўзгартирдинг", дейишади.

Хуллас, Дана нима қилаётганини тушунаман. Уайт промоутер ва у ўз жангчисини тарғиб қилади. Жон Жонснинг жанг услубини ҳурмат қиламан. Уни Тайсон Фьюри ёки Фрэнсис Нганну билан жанг қилишини истардим", - деди Уорд.