08 янв 11:51
Янгиликлар

Дзюдо

Аномал совуқ об-ҳаво сабаб Ўзбекистон чемпионати кечроқ муддатга кўчирилди

12-19 январь кунлари пойтахтимиздаги "Униерсал" спорт мажмуасида ўсмирлар (2006-2007) ва ёшлар (2003-2004) ўртасида Ўзбекистон чемпионати ўтказилиши белгиланган эди.

Аммо Ўзбекистон ҳудудига Волгабўйи ҳудудларидан совуқ ҳаво массасининг кириб келиши сабабли 9-17 январь кунлари оралиғида мамлакатимизнинг катта қисмида ёғингарчилик (ёмғир, қор) бўлади. Ҳаво ҳарорати шимолда кечалари -17-22, Устюрт ва чўл ҳудудларида -25-27 даража совуқгача тушиб кетиши мумкин.

Шу муносабат билан барча бўғиндаги таълим муассасаларида (мактаб, лицей, техникум, коллеж, олий таълим ва ҳоказо) қишки таътил муддати 17 январга қадар узайтирилди. Табиийки, Ўзбекистон чемпионати ҳам янги санага кўчирилди. Ҳар икки мусобақа энди 30 январь - 5 февраль кунлари оралиғида ўтказилади.