Анталия "Катта Дубулға". Биринчи кун якунига кўра кучли олтиликдамиз!

Биринчи кун 5 та вазн (2 та эркаклар, 3 та аёллар) тоифасида ғолиб ва совриндорлар номи маълум бўлди. Учта вазнда ўзбекистонлик дзюдочилар шоҳсупага кўтарилишди. Мусобақанинг ўтган йилги ғолибаси Диёра Келдиёрова (-52 кг) бу сафар кумуш медаль ҳамда қимматли 700 рейтинг очкоси соҳибасига айланди. Дилшодбек Баратов (-60 кг) ва Сардор Нуриллаев (-66 кг) бронза медали бирга 500 рейтинг очкосини қўлга киритди. 

Учта медаль эвазига Ўзбекистон 63 давлат орасида 6-ўринни эгаллаб турибди. Биттадан олтин ва кумуш медалга эга чиққан Мўғулистон умумжамоа ҳисобида пешқадамга айланиб олди. Бир нафардан чемпионга эга Канада, Хитой Тайпейи, Венгрия ва Молдова терма жамоалари кейинги ўринларни банд этишган.